張學潤（Nelson）最近投身作家行列，出書大講自己撞鬼經歷，重大爆圈中其他藝人遇過鬼怪事。Nelson話同好 友湯寶如出埠，最容易遇到鬼怪，佢話：「唔知係咪同湯記一齊磁場特別犀利，成日都一齊見，好似我有次撞車，湯記好似有心靈感應咁，成晚床度輾轉反側，直至 我四點幾打電話畀佢，佢先至話唔怪得梗係覺得有。」
電視機作怪
Nelson新書度亦提及好友關淑怡（Shirley）一 個搞笑撞鬼經歷，佢話：「舊年有一晚，Shirley半夜打電話畀我，話屋企有鬼叫我即刻去，我見咁夜就同佢講去都冇用啦，我又唔識捉鬼，點知佢又話要搵 師傅，我惟有叫佢匿入房。到第二日朝早，佢打畀我話原來係電視機壞，所以見到有鬼影。」
對於關淑怡一直被傳撞邪，Nelson力撐好友話：「佢從來冇撞邪，我見鬼多過佢，至於佢一個人酒店飲咖啡，呢係佢性格，佢鍾意自己一個人思考諗，我有問過佢，佢話有時約朋友唔得閒咪自己一個。」
No comments:
Post a Comment