一連兩場「最愛潘源良是誰作品展」前晚假紅館開鑼，頭場潘源良急不及待在12,500名樂迷面前向拍拖8年女友李麗珍公開示愛。一開始他先借《大時代》角色方進新作開場白，向射燈下的珍妹揮手說：「佢個女今晚都嚟咗，仲越大越靚。」之後潘源良公開演唱會名稱的謎底說：「演唱會個名係一個謎語，答案喺場館搵到。」現場觀眾高呼珍妹的名字，珍妹不禁怕醜掩面。西裝筆挺的他在演唱會開始前澄清說：「我只係白頭髮但未死，唔係紀念演唱會，我個人唔停得，所以唔會係榮休演唱會。」
首場的嘉賓陣容鼎盛，包括葉蒨文（沙麗）、林憶蓮、陳慧嫻、關淑怡4大天后，另有林子祥（阿Lam）、草蜢、張敬軒和達明一派等曾與潘Sir合作的實力派歌手，而填詞人林夕亦有捧場。
打頭陣阿Lam唱出潘源良經典作品《最愛是誰》，之後再唱梅艷芳《抱緊眼前人》，阿Lam不禁想起阿梅說：「I miss you！」久休復出的沙麗台上自爆好緊張：「你寫咁多歌關於女性心底說話，唔知點解可以寫馬經，你個人多姿多采。多謝你，送咗咁多好歌畀我，雖然我唔明白當中嘅意思，但我感受到你嘅感情。你係個天才，好靚仔，世上真係好難搵到你咁好嘅男仔。」
慧嫻自爆暗戀潘
陳慧嫻台上向潘Sir自爆：「我80年代係暗戀過你。」嚇得潘Sir譁然：「80年代上世紀。你早響嘛！」慧嫻續說：「其實當年同歐丁玉拍拖只可以放喺心入面，記得你第一次請我飲香蕉奶昔，係喺你屋企。」
關淑怡和林憶蓮稱因為潘Sir的作品令她們更上一層樓，憶蓮說：「出道第一首《愛情I don't know》，如果唔係你寫得咁好，冇咁多人識我。」帶病赴會的關淑怡唱出《夜迷宮》同《叛逆漢子》。
達明一派壓軸出場，明哥台上求愛問潘Sir是不是最愛達明一派，潘Sir說：「係！」其後明哥說：「大家會覺得潘Sir似情聖浪子，另一面佢會寫社會性嘅歌，《今天應該很高興》就係似糖衣又似毒藥。」
作品展曲目
1《偷閒加油站》C AllStar/林一峰/林二汶
2《邁步向前》林子祥
3《最愛是誰》林子祥
4《抱緊眼前人》林子祥
5《數字人生》林子祥
6《原諒我是我》草蜢
7《暫停.開始過》草蜢
8《誰明浪子心》+《寂寞的男人》C AllStar
9《容易受傷的女人》林二汶
10《談情說愛》葉蒨文
11《女人的弱點》葉蒨文
12《情人知己》葉蒨文
13《今天的愛人是誰》陳慧嫻
14《痴情意外》陳慧嫻
15《誰可相依》林一峰
16《憑着愛》倫永亮
17《我為何讓你走》+《愛的輓歌》倫永亮
18《總有你鼓勵》倫永亮+張敬軒
19《餘震》張敬軒
20《相對論》張敬軒
21《愛與痛的邊緣》張敬軒
22《愛情I don't know》林二汶
23《怎麼捨得你》林一峰
24《也許當時年紀少》蔡一傑
25《夜迷宮》關淑怡
26《叛逆漢子》關淑怡
27《現在愛我》關淑怡
28《痴纏》林憶蓮
29《兩心花》林憶蓮
30《望月》C AllStar
31《你還愛我嗎？》達明一派
32《大亞灣之戀》達明一派
33《今天應該很高興》達明一派
34《十個救火的少年》達明一派
