2006.03.31 臨急撐蔡國權 徐小鳳走音谷眼淚

[忽然1周#557]

人間有情！早前，蔡國權透過本刊剖白心願︰「希望見到徐小鳳，與她在台上合唱。」
事隔不到一星期，為蔡籌醫藥費，於本月27及28日在尖沙嘴文化中心舉行的兩場音樂會，徐小鳳臨時現身撐場，令蔡國權感動落淚。

27日晚，小鳳姐一邊握輪椅上蔡國權的手，一邊走住音與他合唱〈順流逆流〉，蔡國權已泣不成聲，小鳳姐惟有谷住眼淚對他說︰「你……唔好喊，你喊我又喊……」，台下觀眾亦睇到眼濕濕。

蔡國權的籌款演唱會，有不少圈中藝人參與，如譚詠麟、關淑怡、陳潔靈及肥媽等，也有很多久違了的歌手如曾航生、李國祥等撐場，不過在蔡國權心目中，始終最希望見到令他一曲成名的徐小鳳。

Run-down冇份
記者早前問過今次演唱會搞手蛙爺，他表示一直未收到小鳳姐的回覆，就連演唱會第一場(27日晚)，也不知小鳳姐會否到場，所以run-down（出場表）原本也沒有小鳳姐獻唱名字，只安排由肥媽唱〈南屏晚鐘〉壓軸。演唱會原本是10時15分完，就在完場前十五分鐘，小鳳姐突然在觀眾席出現，由數名保安護送上台。
在台上的蔡國權看見小鳳姐，立即用力向她揮手，小鳳姐上台後向蔡說︰「我想畀個驚喜你呀！我平時同你唔係經常聯絡，但好欣賞你，記得搵你寫歌，你第一次交6首，我唔滿意，叫你再寫，你再畀6首歌我，至揀到依家隻〈順流逆流〉，呢首歌一粒音都冇改，就係因為你胸襟廣，至有呢首好歌。」聽到這番話，蔡已熱淚盈眶。

哭作一團

此時蛙爺與蔡太耳語幾句，蔡太一改上次對記者訴說小鳳姐沒聯絡他們口，向台下宣布︰「小鳳姐真係好有心，老公車禍後，佢係第一個藝人打畀我，主動問有咩可以幫手……」之後，小鳳姐便與蔡合唱〈順流逆流〉，可能兩人太激動，小鳳姐唱到走晒音，喊到唱不下去，連旁邊一直表現更激動的肥媽，哭作一團。唱罷，小鳳姐更向觀眾致歉說︰「唔好意思，今次係我有生以來唱得最差一次！」
第二晚的藝人嘉賓，卡士比第一晚強，除了有小鳳姐助陣外，還有阿倫及關淑怡，不過關貫徹我行我素作風，沒有接受訪問，唱完就走。而第二晚演唱會的壓軸，就由小鳳姐、阿倫合唱〈順流逆流〉，完場前，小鳳姐向蔡國權說︰「你快好番，第一次寫歌要為我而寫。」此時，蔡邊拭淚邊點頭，眼神閃耀，重現光采。

同場「有心」人
蔡國權的兩場籌款演唱會，有不少久違的歌手到場出力及欣賞，認真「有心」。

唱完即閃
江華和麥潔雯以黑色情侶裝現身，出場前先到後台與蔡國權聊天，不過唱完即閃。

滿場飛
魯振順認真有心，除了獻唱，仲做埋司儀，結果由開場做到完場，辛苦晒！

狂派卡片
曾航生和女友梁安琪原本第二場才有份表演，但首場亦結伴到場，曾還見人就派卡片，銜頭是製作公司董事，嘩，好厲害喎！

主席也感動
早前辣手對員工搞到滿城風雨的九鐵主席田北辰，罕有到場，睇騷時還眼濕濕。

例牌酷爆
關淑怡只於第二場現身，她貫徹酷爆作風，甫到場即衝入後台，表示唔做訪問，唱完〈患難見真情〉即走。

2006.03.30 遵亡父訓言出必行 阿倫靈堂演唱兩邊走

[東方日報]

【東方日報專訊】譚詠麟近日雖然為父親喪事日夜操勞，但為支持車禍重傷的好友蔡國權，也不理戴孝在身，前晚出席為蔡國權籌募醫藥費的音樂會。此外，阿倫亡父今日設靈，他又要出席雷頌廣 告

德的音樂會，揚言為了承諾，會靈堂和音樂會兩邊走。

前晚阿倫一臉憔悴的出席第二場尾場「群星匯聚關懷蔡國權金曲夜」音樂會，他在台上向觀眾表示：「因為我應承过爸爸，答應过人的事一定要做，佢（爸爸）應該响度睇住，我會做得更好。」阿倫的父親今日假世界殯儀館設靈，明日出殯，但他堅持完成手頭上所有工作，他說：「我要為電影剪片同配音，明（今）晚雷頌德(新聞 - 網站 - 圖片)慈善音樂會都會照做，最多音樂會、靈堂兩邊走，如果我唔去（做音樂會），我諗我老竇會唔開心。（演出會唔會冇心機呀？）我係資深歌手會有交代。」

贊成捍卫私隱權

演藝界有意搞大遊行捍卫私隱權，身為受害者之一的阿倫大表支持，他更直斥不實及偷拍報道影響極大，會教壞下一代，不知為何「作为傳媒」仍可生存，阿倫又話：「壞的記者我會認住佢，佢地一定有報應。」

而小鳳姐和阿倫合唱後，就介紹坐輪椅的蔡國權出場，雖然蔡國權口齒不清，但小鳳姐依然遞咪給蔡國權和眾人合唱，小鳳姐自嘲大前晚哭成淚人實在失儀，她希望蔡國權康復後將第一首作品送給她，蔡國權就感激的說多謝。小鳳姐又講笑話逗得蔡國權面露笑容。至於性格低調的關淑怡，演唱完及送吻後就離開。

籌款數字暫未知

慶功宴上，蔡國權在太太及好友的陪同下接受訪問，雖然蔡國權努力回應提問，但口齒不靈要靠好友翻譯，拍照時，蔡國權即醒目地擺出勝利手勢，而好友表示暫未知籌款數字。

---

阿倫關淑怡陳潔靈齊為權哥籌款

[大公報]

一連兩場「群星匯聚關懷蔡國權金曲夜」前晚經已告一段落，當晚的特別嘉賓除譚詠麟之外，首場的特別嘉賓徐小鳳亦再度出現，還有關淑怡、陳潔靈和2R助陣演出，以行動支持權哥。小鳳姐在首場演出中，因一時的感觸，她與權哥也忍不住喊起來，更喊至唱不到，但第二晚的演出中，小鳳姐刻意踢爆權哥當年所講的一個笑話，小鳳姐的幽默，令權哥立即笑起來，再沒有傷感的場面。

關淑怡打頭陣

當晚音樂會上，關淑怡打頭陣演出，當她唱完歌之後，便向台下的權哥飛吻以示支持和鼓勵。陳潔靈演出的時候，更落台拉權哥合唱，最後她更吻了權哥一啖。

阿倫當晚以特別嘉賓身份出場，與新進歌手先合唱一曲《童年》後，再自己獨唱一首歌，再邀請小鳳姐出場合唱《順流逆流》。二人合唱完後，小鳳姐便叫大家歡迎蔡國權出場，阿倫向權哥表示，要快些好返，然後跟他們踢波，權哥立即應承阿倫。阿倫表示：「大家知我嚟，我應承咗Daddy，應承咗一定會做的，佢會聽到，我會做到最好。」而小鳳姐先叫大家給她少少時間說話，她表示：「我認識嘅蔡國權好少說話，不過我就聽佢講過一個笑話，想向阿倫求證一下，權哥話有一次明星足球隊踢波，有個人將個波踢到好高，於是家英哥上前去頂波，點知這時候見到兩個影，原來係家英哥嘅假髮。」

權哥無言感激

當權哥聽到小鳳姐這個笑話，也立即笑起來，小鳳姐見到權哥笑，便開心地說：「今日佢笑，昨晚佢喊，搞到我都喊，失晒儀態哩！」此時蔡太再次強調，權哥出事時，小鳳姐是第一個聯絡他們的人，大家不要相信傳言。而小鳳姐就要權哥答應他，好返之後所作的第一歌，一定要給她唱，權哥立即說好。最後阿倫、小鳳姐與權哥便合唱《不應再猶豫》，阿倫叫台下觀眾為權哥打氣，場面溫馨。

慶功宴上，問及二場演唱會籌得的善款數字？權哥表示尚未知道，因為要交由會計師處理，暫未知數字。權哥好多謝一班朋友的支持，真是無言感激。

---

譚伯遺訓重承諾

[蘋果日報]

唱作人蔡國權○二年底東莞遇到交通意外，醫療費用龐大，佢個好朋友岑錦華（蛙爺）就號召一班好朋友文化中心搞個「群星聚關懷蔡國權金曲夜」幫佢籌醫藥費，前晚係最後一場，除譚詠麟（阿倫）同陳潔靈等係原先安排演出歌手之外，徐小鳳同關淑怡都係臨時加入。

關淑怡獻飛吻

阿倫雖然喪父，近日忙於辦理父親後事，但佢話應承過人事一定要做，因為係佢爸爸教，所以前晚佢都有。譚老伯今日設靈，不過阿倫一早又應承出席雷頌德個公益金音樂會，問阿倫會唔會取消唔去音樂會，佢都係句：「應承人一定要做，上去唱都係半個鐘，唱完咪返去守夜，好近，唔去老竇仲唔開心。」

此外，平時行蹤飄忽關淑怡，前晚就唱《患難見真情》一隻歌，不過佢冇台上講，只係送個飛吻畀蔡國權。而小鳳姐大前晚突然出現，同蔡國權激動擁抱，之後兩個都哭成淚人，前晚小鳳姐仲大叫蔡國權加油，又話希望佢康復之後，第一首作歌可以寫畀佢喎！

2006.03.29 關淑怡 un爆HMV

[東方新地]

闊別歌壇11年既關淑怡今年終於成功復出，又出唱片又開個唱，有咗工作寄托， Shirley　成個人都生猛唔少．

早幾日， Shirley　偕助手去咗銅鑼灣 HMV 睇唱片，當日佢好有興致，幾乎試聽晒所有新碟，　一路聽一路大大聲un住唱，而且對啲新歌既旋律同歌詞似乎仲相當熟悉，到最後佢一次過揀左共8隻包括有孫燕姿陳奕迅等歌手既CD．

Shirley一除低左HMV副耳機，即刻又戴番自己個副，一路等俾錢一路繼續聽歌，繼續un爆，認真係典型歌癡，唔復出嘥左佢．