2003.05.16 關淑怡搵男人 「鵝」左四粒鐘

[忽然1周#407]

近年關淑怡成日畀雜誌影到經常一個人出現銅鑼灣怡東酒店coffee shop，每次見親佢，唔係狂煲煙就係不停煲電話粥，渾渾噩噩又一日。

上 個禮拜，晏畫三點關淑怡又怡東打躉，之但係身邊多個中年男人，好明顯，呢個男人唔係關小姐新歡，其間關小姐滔滔不絕，個男人就全程做聽眾，唔知係咪關小姐 話題沉悶，佢似乎好唔耐煩，不斷捽鼻、托腮兼周身郁，又多次離開座位傾手提電話，每當友人行開時，關小姐就聽Walkman解悶。

關淑怡係咁煲煙，四個鐘未停過！

佢位男性朋友，聽佢講，聽到好唔耐煩，頻頻捽鼻。

唉！關小姐！一世流流長，就算唔做歌星，搵其他細藝！再係咁，唔係辦法！黃昏五點左右，關淑怡本來埋單，但講講又再叫多杯飲再傾過，而佢位男性友人，惟有繼續做聽眾，直至7時幾，關淑怡終於肯走人，而男性友人就一副甩難模樣，未待關淑怡車就匆匆同佢道別跳上的士。

三十幾歲女人，冇家庭、冇事業兼冇拖拍，成日戇居居一條「冷」，唔怪得嘮囌特別多。但係嘮囌太多，朋友都怕你啦，做人太得閒真係唔係一件好事！

2002.12.06 關淑怡獨坐咖啡室

[忽然1周#384]

一個女人三十，冇左事業，可以搵個男人倚靠。但如果連感情都冇著落，就真係好可憐。

關淑怡年頭東山復出，係威係勢，可惜雷聲大雨點小，出左一張國語碟就冇晒下文。冇野做、冇拖拍，Shirley近期頻頻出現於怡東酒店咖啡座，獨自一人，一坐就坐足幾粒鐘，其間不停傾電話，煙就一支駁一支係咁煲，心情十分煩躁。

其實佢差唔多隔日就怡東，每次都係一個人，每次都係坐同一個位，怡東侍應已經見慣不怪，大家知佢唔鍾意睬人，所以班侍應好少同佢傾偈。

不過，睇佢住部價值三千幾最新款Nokia7610，有能力追逐潮流玩意，經濟應該仍然唔錯。不過，亦都可能係因為冇經濟壓力，所以冇左人生目標。唉，原來，錢真係買唔到開心！

2002.11.12 放低天后形象畀面上<獎門人> 陳慧琳為重奪女歌手獎

[太陽報]

陳慧琳和關淑怡兩位遊戲節目稀客，前晚出席《獎門人》壓軸錄影，曾志偉亦十分識做，為兩人取消射水及啜波環節。而近期頻頻出席無線活動的陳慧琳，被指有拉票重奪「最受歡迎女歌手」獎之嫌！

無 線《吾係獎門人》前晚錄影最後一集，鮮有亮相遊戲節目的陳慧琳姊弟及關淑怡亦畀面出席，Kelly（陳之洋名）與細佬陳司翰玩得分外投入，她孭陳司翰行石 春路時，痛到幾乎流淚，其後在「唔係落大閘」環節中更不惜扯高上衣，露出纖腰，務求令細佬估中「蛇腰」這謎底，完全放低其玉女天后形象！
「係要咁做宣傳」

Kelly玩得投入之餘，亦很關心細佬，不時跟細佬十指緊扣兼攬到實，到陳司翰輸掉遊戲要食勁辣壽司時，Kelly即大叫：「佢唔食得辣呀！」盡顯關切之情。

至於有指Kelly近期頻頻出席無㵟活動，是為年終的樂壇頒獎禮拉票，希望可以重奪「最受歡迎女歌手」獎，對此Kelly說：「梗係唔係啦！不嬲出碟都係要咁做宣傳啦！唔係話要拉票……其實我依家對獎項睇得好淡，『傑青』已經好足夠，其他獎項都係順其自然啦！」

為Kelly取消射水

此外，前晚《獎門人》的「唔係開口中」環節，取消了射水懲罰，亦沒有玩啜乒乓球遊戲，問志偉是否因為畀面Kelly及關淑怡而取消，他說：「都係既，人地靚女，無謂搞到人失晒儀態啦！同埋仲要預番D時間畀之前既冠軍猜層樓，所以先冇射水。」

---

重提好友遇襲句句有骨 阿叻自認老實商人嚇窒志偉
[蘋果日報]

陳百祥（阿叻）與曾志偉一向老友，對於志偉早前遇襲，頭部受傷，阿叻言談間似乎知道內情，並力撐志偉，聲言與某人對敵，又自稱是老實商人。他此話一出，連曾志偉都不懂應對。

陳百祥、陳慧琳、陳司翰、張燊悅和關淑怡等，前晚在電視城錄影無遊戲節目《吾係獎門人》最後一集。
曾志偉介紹阿叻出場時表示，不知用甚麼名字介紹阿叻，此時阿叻說：「老實商人。」志偉聽後呆了一呆，阿叻即說：「我呢做生意好老實。」

如錯怪願道歉
阿叻整晚的說話甚具挑釁性，他說：「一向拍親我人都會贏，但同我對敵人多數PK。我作為馬經版人，只係知馬經版事，但係一本刊物或報紙主理人，點會唔知登乜相？」

阿 叻又重提志偉早前遇襲頭部受傷事件，他說：「其實之前兩個都係朋友，我同志偉、阿倫（譚詠麟）咁熟，得一條路去揀，我揀朋友邊。但係佢就揀同我好朋友做敵 人，我唔可以行過去佢邊講『乜乜乜冇事』，轉個頭又話畀志偉聽『唔關佢事，日個電筒係唔小心跌落』。不過如果第日水落石出，唔係佢話，我咪企出道歉！」

張燊悅扮祖兒

問志偉為何聽見阿叻自稱「老實商人」時一度接不上？他尷尬地笑說：「呢個節目老少咸宜，唔想提咁多。」

此外，張燊悅前晚出場時，扮容祖兒新唱片咬士多啤梨的造型。結果她更勝出遊戲，獲現金一萬五千元和其他獎品。