2014.03.22 陈慧娴爆关淑怡以前好Sexy

[on.cc]

陈慧娴近日为翻唱专辑四出宣传，由于当年她与关淑怡（Shirley）同是「宝丽金」歌手，问到对Shirley印象？慧娴说：「第一次见佢系录音室，初时觉得佢把声似叶蒨文，慢慢就有自己风格，佢系思想型嘅人，说话唔多，好多时啲嘢系个脑入面，同埋好Sexy。」

慧娴踢爆Shirley当年经常以吊带衫衬热裤返公司，她说：「佢好犀利，日日吊带衫加热裤系公司出现，嗰时好多男仔当佢系女神。」愈爆愈兴奋的慧娴笑言连台湾歌手童安格都被「吸睛」：「记得有次童安格见到关淑怡，双眼睁大晒，连我同佢Say Hi，佢都系望住关淑怡。」

陳慧嫻（左）大讚當年關淑怡非常性感。

2014.02.13 關淑怡好鬼師奶 [壹週刊1249期]

買定幾袋 Cova禮盒預備拜年嘅 Shirley，例牌 headphone塞耳戴黑超飲咖啡煲煙，呢日師奶 look，罕見。

同你吟一吟
關淑怡好鬼師奶
由初出道到不婚生子，關淑怡作風我行我素，不過講到中國人大節日，原來佢可以好傳統好師奶。

話說過年前，《壹》仔響銅鑼灣撞見一滴妝都冇嘅 Shirley，連黑超都慳番，走去 BV睇銀包，大大細細睇勻都唔啱，搞咗一輪冇幫襯走人。

之後 Shirley同外傭一齊行去老三陽買金華火腿，買完火腿再去買生果，見到啲寓意「大吉大利」連枝葉嘅大桔， Shirley即買。

八珍自行幻想，究竟 Shirley會唔會響屋企整蘿蔔糕呢？

過年先會見到嘅連枝葉大桔， Shirley親自落手揀，真係睇唔出佢咁傳統。

辦年貨前， Shirley先去巡 BV，不過齋睇冇出手。

買到一袋二袋同外傭排隊等的士，冇化妝嘅 Shirley見到記者全程笑容滿面，好 nice。

入到老三陽， Shirley同班師奶人逼人，無非係想買嚿金華火腿。

2014.01.31 關淑怡掃臘肉賀年

[蘋果日報]

【銅鑼灣】前日下晝3點幾冇化妝嘅關淑怡（Shirley）帶住位外籍傭工，去到銅鑼灣利園辦年貨，兩主僕先入咗一間意大利名牌店睇皮具，Shirley睇中一款男裝銀包，前後望咗15分鐘都買唔成。跟手佢哋去咗隔籬間老三陽辦年貨，買咗臘肉之後，佢仲未夠皮去咗買生果，一大袋橙、蘋果等等全部由傭工攞住。當佢發現記者影相之後，Shirley同記者揮手，之後去到利園商場門口上的士更同記者提早拜年。