[東方新地#26]
悠長假期，終於過去！
在歌壇消失近三年的關淑怡，經過長時間的休息，終於歌癮再起，「的」起心肝，東山復出重返樂壇。
五窮、六絕、七翻身，當然7月是最好的時機，於是Shirley決定7月重返樂壇，動筆簽唱片公司，與一班「等你等到我心痛」的歌迷見面。
對於決定7月復出，Shirley已作好心理準備，一副作戰狀態向大家說：「我好快返o黎喇……」
Shirley：我返o黎喇
嘩！Shirley
旋風好快吹到o黎，鄭秀文、張惠妹、王菲各位天后-----準備接招。事實上過去有無數唱片公司斟過Shirley簽約，開出的條件都過千萬，經過一輪角
力後，最後只剩下EEI和Sony兩間唱片公司拗手瓜？雙方開出的條件都相當吸引，前者出到1億台幣，後者亦以2,800萬港元的天文數字「包起」
Shirley3年。
金口一開，就有幾千萬落袋，問你動不動心。星期二的下午四點，記者在金鐘港麗酒店，目睹Shirley與好友Nelson及友人一起出現，眼前的Shirley打扮樸素，一件紅色T恤加短裙，再紮起頭髮，沒施半點脂粉，完完全全一個放假Look。
EEI同SONY實力大比併拗手瓜？
蟄伏兩年的關淑怡，動向自然叫人關注，環球唱片為求成功將之招攬，多位外籍高層早前便專誠來港，跟關淑怡及其經理人Nelson多次會面，還答應會為關淑怡作國際性發展。據聞唱片合約已經準備妥當，只欠關淑怡動筆而已!
就環球積極拉攏關淑怡加盟一事，向她的經理人Nelson求證，Nelson故弄玄虛地說﹕「好多間唱片公司都有都有，最緊要都係可以配合到關淑怡!暫時我唔方便講佢簽邊間，遲下大家咪知囉!」.
EEI
優點
出價1億台幣(折合港幣約2,300萬)
簽約3年，出5張唱片，包括廣東、國語碟。
台灣方面實力雄厚，有TVBS電視台、飛碟電台，稍後再成立兩個電台，有助攻入台灣市場。
過去一手力捧的歌手，如郭富城、金城武、楊釆妮及梁詠琪等全部上位，因此被外間認為有捧o個個紅o個個o既強勁Power。
旗下只有梁詠琪一個歌手，歌手之間競爭小。
缺點
並非國際公司
出價少SONY500萬
過去人事變動大
SONY
優點
出價2,800萬
簽約3年，錄60首歌
國際公司，可出英文歌打入美國市場。
Leon曾表示自組公司，第一個會羅致關淑怡，後來計劃取消，繼而游說唱片公司簽關淑怡。
缺點
歌手多，競爭大
外傳張惠妹過擋SONY，如果成為事實，將分薄Shirley的待遇。
Saturday, 30 May 1998
Tuesday, 10 February 1998
1998.02.10 專訪沉默兩年的關淑怡:「我決不復出!」
[東TOUCH]
兩年前，關淑怡錄了一張大碟共9首歌後便與寶麗金約滿。自此退隱江湖。兩年的日子，差不多全港唱片公司都斟過她，但頂多係某某高層說開幾千萬斟唔成，又或某某高層說條件苛刻簽唔成。於是，關淑怡簽邊間唱片公司成了一個極難估的謎語，唔知等幾耐至有答案。
結果，98年接近情人節的日子，一隻名為<<關淑怡全新EP>>的唱片推出。一出惹來反應，個個以為Shirley，重出江湖出新唱片。惟獨Shirley有點苦惱:「唔該睇下個Logo。」兩年前的作品被誤為98新唱，沉默兩年的Shirley終於肯俾個面做獨家訪問揭開謎底。
「同寶記點會無偈傾。」
E.T.:寶記最後大碟9首歌分3次面世，首先係<<非愛不可>>斬件俾一半陳琪變成合唱歌，然後用3首歌推出<<新歌+精選>>，到今日用餘下的5首出EP。點睇?同寶記關係如何?
Shirley:前幾日我見到德哥。我在GrandHyatt的CoffeeShop與一間唱片公司人員偈傾，第一時間行埋去豆利是添呀!其實，大家識咁耐，點會無偈傾。就你講的問題，我唔會覺得好唔開心，我明白到唱片公司有佢既處理方法，公司鍾意點做都無所謂，反正我已錄好首歌，且由揀歌到錄音我無俾過任何意見。
「寶記向來唔鍾意我俾意見。」
E.T.:唔俾任何意見非你的作風?
Shirley:因為寶記向來唔鍾意我俾意見。可能當時好少歌手Involve落張唱片，任由監製決定，我去參與開會令公司好詫異，佢地認為歌手只須聽監製指示唱好歌，俾意見係超越自己範圍既事。
直至94年開始，公司開始接受我既做法，我同監製葉廣權都合作得好好，但到呢張(即寶記最後一張)唱片，我用行動去證明對公司的信任，我不加任何意見在這張唱片內，從揀歌到錄音放手任佢地搞。結果係公司立場當唱片係個Product,但我唔想用Product眼光對待，我好想Achieve一D理想，我覺得音樂好偉大，好似Painting,唔需要任何字，首歌可以帶出好多情緒，起伏，感受到不同的故事，好豐盛，有Mood。我想唱有意思的歌，但當我對音樂的認識廣闊左，覺得需要轉變卻又找不到方向，於是我Stop，停一停俾自己抖一口氣，抽身出來離開做了近7年的娛樂圈，體驗生命一直是一種成長的心態轉變，很難用三言兩語去達到。
「走去同人逼電車。」
E.T.:兩年的悠長假期過得怎樣?
Shirley:以前事業就係我生命。現在，明白到生命有屋企，友誼，愛情，去畫下畫，做一些怡情的事，過平凡人的生活。走去同人逼電車，坐上層覺得好舒服，仲覺得好浪漫。LiveMyLife好開心。感覺同以前多姿多采生活截然兩樣，好似做大圍記者訪問個個似趕搭車，哈哈。
E.T.:無賺錢，生活費夠唔夠用?
Shirley:我夠慳嘛!哈...我一向有儲蓄習慣，近年又唔買衫，唔使上台唔使著咁誇呀!又無奢侈嗜好，託賴屋企做生意我唔需要負擔，點會無錢使呀?不過我好有骨氣架唔會攤大手板問Daddy羅架。
「傳聞流過流口水呀!」
E.T.:到底你簽邊間唱片公司呀?傳足兩年依然無著落?
Shirley:唉，你聽D傳聞流過流口水呀!我都未簽。傳聞講我條件高，好難做到之類，根本我無開條件，只係要求宣傳唔好多到泛濫，價錢亦無報道所講咁誇張。唉。不過我唔會作任何回應，由得佢地講啦。
E.T.:幾時復出呀?
Shirley:我唔會復出架!
E.T.:o下?
Shirley:我都無收山，唔使復出呀!哈哈哈...........
唔好問我幾時真真正正出新大碟，因為我都預計唔到，一日未簽約未正式錄音都唔知。呢一刻，我已經有個雛形，知道自己方向係點，正積極練好國語。
拍《春光乍洩》只得五萬蚊
行內個個吹關淑怡叫價太高所以無唱片公司斟價。但其實Shirley一D都唔貪。記得Shirley拍《春光乍洩》去阿根廷足足拍左1個月，所收的片酬只係$50,000港銀，登台都唔止呢個價，但Shirley為興趣無計較。
跟Shirley說起，她不悅道:「咁舊，唔好提啦!」
不提也罷!戲為興趣而拍，收了一個俾面價，結果辛苦捱了1個月，上映時，戲份被剪過點滴不存!唉............
後記:
Shirley對於兩年來首次做雜誌專訪顯得極不習慣。
攝影師叫她到街上影相她擰頭，攝影師叫她站著好快影幾張，她猛說不好，結果當然沒有強她所難，就連反光板，一打開，她也嚇親:「嘩，好耐無見過，好唔習慣。」
可幸，做訪問Shirley金口大開，不像她事後來電說:「其實你問咁多野一句答晒:就係覺得應該咁做咪做羅!明就明，唔明都無辦法。」
兩年前，關淑怡錄了一張大碟共9首歌後便與寶麗金約滿。自此退隱江湖。兩年的日子，差不多全港唱片公司都斟過她，但頂多係某某高層說開幾千萬斟唔成，又或某某高層說條件苛刻簽唔成。於是，關淑怡簽邊間唱片公司成了一個極難估的謎語，唔知等幾耐至有答案。
結果，98年接近情人節的日子，一隻名為<<關淑怡全新EP>>的唱片推出。一出惹來反應，個個以為Shirley，重出江湖出新唱片。惟獨Shirley有點苦惱:「唔該睇下個Logo。」兩年前的作品被誤為98新唱，沉默兩年的Shirley終於肯俾個面做獨家訪問揭開謎底。
「同寶記點會無偈傾。」
E.T.:寶記最後大碟9首歌分3次面世，首先係<<非愛不可>>斬件俾一半陳琪變成合唱歌，然後用3首歌推出<<新歌+精選>>，到今日用餘下的5首出EP。點睇?同寶記關係如何?
Shirley:前幾日我見到德哥。我在GrandHyatt的CoffeeShop與一間唱片公司人員偈傾，第一時間行埋去豆利是添呀!其實，大家識咁耐，點會無偈傾。就你講的問題，我唔會覺得好唔開心，我明白到唱片公司有佢既處理方法，公司鍾意點做都無所謂，反正我已錄好首歌，且由揀歌到錄音我無俾過任何意見。
「寶記向來唔鍾意我俾意見。」
E.T.:唔俾任何意見非你的作風?
Shirley:因為寶記向來唔鍾意我俾意見。可能當時好少歌手Involve落張唱片，任由監製決定，我去參與開會令公司好詫異，佢地認為歌手只須聽監製指示唱好歌，俾意見係超越自己範圍既事。
直至94年開始，公司開始接受我既做法，我同監製葉廣權都合作得好好，但到呢張(即寶記最後一張)唱片，我用行動去證明對公司的信任，我不加任何意見在這張唱片內，從揀歌到錄音放手任佢地搞。結果係公司立場當唱片係個Product,但我唔想用Product眼光對待，我好想Achieve一D理想，我覺得音樂好偉大，好似Painting,唔需要任何字，首歌可以帶出好多情緒，起伏，感受到不同的故事，好豐盛，有Mood。我想唱有意思的歌，但當我對音樂的認識廣闊左，覺得需要轉變卻又找不到方向，於是我Stop，停一停俾自己抖一口氣，抽身出來離開做了近7年的娛樂圈，體驗生命一直是一種成長的心態轉變，很難用三言兩語去達到。
「走去同人逼電車。」
E.T.:兩年的悠長假期過得怎樣?
Shirley:以前事業就係我生命。現在，明白到生命有屋企，友誼，愛情，去畫下畫，做一些怡情的事，過平凡人的生活。走去同人逼電車，坐上層覺得好舒服，仲覺得好浪漫。LiveMyLife好開心。感覺同以前多姿多采生活截然兩樣，好似做大圍記者訪問個個似趕搭車，哈哈。
E.T.:無賺錢，生活費夠唔夠用?
Shirley:我夠慳嘛!哈...我一向有儲蓄習慣，近年又唔買衫，唔使上台唔使著咁誇呀!又無奢侈嗜好，託賴屋企做生意我唔需要負擔，點會無錢使呀?不過我好有骨氣架唔會攤大手板問Daddy羅架。
「傳聞流過流口水呀!」
E.T.:到底你簽邊間唱片公司呀?傳足兩年依然無著落?
Shirley:唉，你聽D傳聞流過流口水呀!我都未簽。傳聞講我條件高，好難做到之類，根本我無開條件，只係要求宣傳唔好多到泛濫，價錢亦無報道所講咁誇張。唉。不過我唔會作任何回應，由得佢地講啦。
E.T.:幾時復出呀?
Shirley:我唔會復出架!
E.T.:o下?
Shirley:我都無收山，唔使復出呀!哈哈哈...........
唔好問我幾時真真正正出新大碟，因為我都預計唔到，一日未簽約未正式錄音都唔知。呢一刻，我已經有個雛形，知道自己方向係點，正積極練好國語。
拍《春光乍洩》只得五萬蚊
行內個個吹關淑怡叫價太高所以無唱片公司斟價。但其實Shirley一D都唔貪。記得Shirley拍《春光乍洩》去阿根廷足足拍左1個月，所收的片酬只係$50,000港銀，登台都唔止呢個價，但Shirley為興趣無計較。
跟Shirley說起，她不悅道:「咁舊，唔好提啦!」
不提也罷!戲為興趣而拍，收了一個俾面價，結果辛苦捱了1個月，上映時，戲份被剪過點滴不存!唉............
後記:
Shirley對於兩年來首次做雜誌專訪顯得極不習慣。
攝影師叫她到街上影相她擰頭，攝影師叫她站著好快影幾張，她猛說不好，結果當然沒有強她所難，就連反光板，一打開，她也嚇親:「嘩，好耐無見過，好唔習慣。」
可幸，做訪問Shirley金口大開，不像她事後來電說:「其實你問咁多野一句答晒:就係覺得應該咁做咪做羅!明就明，唔明都無辦法。」
Wednesday, 21 January 1998
1998.01.20 關淑怡新碟重見天日
被寶麗金雪藏多年的關淑怡舊作終於可以重見天日, (新歌)"羨慕"已經派上台，新碟
關淑怡低調出新碟
[娛民日報]
像是人間蒸發了一樣的關淑怡，年多兩年沒有出碟，卻突然有新碟買廣告，但卻十分低調。原來是寶麗金最後一張大碟。
據說，關淑怡雖離開了寶記一年多，但寶記曾想她出來宣傳，怎知她怎也不肯，結果只好低調地宣傳。這張是EP，共有六首全新歌曲，將於日內面世。
關淑怡貨尾草草出街寶麗金低調宣傳唔計賺蝕
[東方日報]
在樂壇失蹤近年的關淑怡，自九六年約滿寶麗金後，一直有消息傳她會加盟別的唱片公司，但一直只聞樓梯響，遲遲未見有實質公布。
無聲無息出新碟
近日，在一些報章雜誌，出現關淑怡廣告，在無聲無息之下再出唱片，但這張新碟並非由她新加盟的唱片公司推出，而是寶麗金和關淑怡約滿時仍未出街的一張碟，亦即是關淑怡在寶記的最後一張唱片。
這張關淑怡在寶記的最後一張碟都草草了事，碟內只灌錄了六首新歌，而這六首歌又全都是以前關淑怡用剩未曾收錄的歌，今次卻一次過收錄在這新碟內。
關淑怡拒做宣傳
該 張於明日推出的新碟，宣傳可說非常"求其"，只刊登了少量廣告。據知，寶記本來也不想咁"求其"，曾想搵關淑怡親自做一些媒界宣傳，但可惜關淑怡講明不會 為該碟做任何宣傳，除了不接受報章雜誌記者訪問，連電台，電視台亦一樣無面俾，所以寶記對這張碟心灰意冷，已不在乎這張碟的碟的賺蝕，只求為關淑怡出埋合 約規定的一張碟，故此索性連廣告費慳得就慳。
淑怡約滿後一年才出最後一張碟，而且製作又咁"求其"，寶記發言人王凱文表示:「無辦法啦，我地都想搵她重新錄過新歌，但佢走左咁耐，佢唔做宣傳，我地都唔會迫佢，其實一張碟賣唔賣得，好靠歌手親自出黎宣傳，依家惟有賣多D廣告囉，我地都會照一般碟咁賣廣告。」
Subscribe to:
Posts (Atom)